Përkushtimi i Qeverisë

• Qeveria e Kosovës ka filluar privatizimin e Rrjetit të Distribuimit dhe Furnizimit të KEK-ut.

• Privatizimi do të bëhet në pajtim me strategjinë e energjisë:
  o Ligjin Nr. 03/L-087 për Ndërmarrjet Publike,
  o Procedurave të tenderit sipas Ligjit Nr. 03/ L – 090 ligji për Partneritetin Publiko Privat dhe Dhënies me Koncesion,
  o Vendimeve të derisotme të Qeverisë
  o Strategjinë e Republikës së Kosovës për Energjinë për periudhën 2009-2018
  o Kornizës Afatmesme të Shpenzimeve (KASH), në lidhje me ndarjen e sektorëve (shthurjen) dhe privatizimin e KEK-ut.

• Qeveria ka
  o Aprovuar ndarjen e sektorëve (shthurjen)  të KEK-ut (Vendimi Nr. 04/36),
  o Aprovuar Privatizimin me shitjen e aksioneve të Distribuimit dhe Furnizimit të KEK-ut (vendimi Nr. 03/38), dhe
  o Emëruar Komitetin e Privatizimit (KP) për ta kryer privatizimin (vendimi Nr. 08/39).  

Roli i komitetit të privatizimit

• Për ta kryer privatizimin, Qeveria ka krijuar dhe autorizuar Komitetin e Privatizimit, i cili do t’i vendosë politikat dhe do të sigurojë koordinimin ndërministror përgjatë të gjitha fazave të projektit.

• Komiteti i privatizimit do të mbikëqyrë zbatimin me kohë të projektit.

• Komiteti i Privatizimit mbështetet nga Njësia për Implementimin e Projektit, e cili shërben si sekretariat teknik për projektin.

Roli i Këshilltarit të Transaksionit

• Me qëllim të zbatimit të projektit, Qeveria ka angazhuar IFC-në për ta kryer punën e këshilltarit të transaksionit.

• Këshilltari i Transaksionit do të japë shërbime këshilluese strategjike, ligjore dhe financiare lidhur me strukturimin dhe zbatimin e të gjitha fazave të projektit, në mënyrë të tillë që projekti të mund të zbatohet në interesin më të mirë të Kosovës.

• Këshilltari i Transaksionit do të përgatisë të gjitha dokumentet e nevojshme të projektit dhe gjithashtu do të bëjë analizimin e opsioneve, studimin e fizibilitetit, dizajnimin dhe rishikimin e të arriturave dhe aktivitete të tjera që do të mund të jenë të nevojshme për ta zbatuar projektin.

• Këshilltari i Transaksionit do të japë këshillime për politika dhe këshillime strategjike për komitetin e privatizimit kurdo që kërkohet dhe do të punojë drejtpërdrejtë me njësinë për implementimin e projektit, për ta zbatuar projektin në përputhje me direktivat politike të deklaruara nga komiteti i privatizimit.

Transaksioni

• Qeveria është e përkushtuar që të joshë pjesëmarrjen e sektorit privat përmes një procesi tenderues plotësisht transparent, sipas praktikave më të mira ndërkombëtare, i cili do të jetë i hapur dhe korrekt për të gjithë konkurruesit.

• I tërë procesi, duke përfshirë çasjen në informata, kontrollin e ofertave, kontaktet me investitorët, data rom-in (dhomën e të dhënave), verifikimet e duhura dhe aspektet e tjera të procesit të tenderit do të kontrollohen dhe vëzhgohen për së afërmi.

• Të gjithë investitorët/ofertuesit do të trajtohen në mënyrë të barabartë dhe në mënyrë jo diskriminuese; të gjithë do të kenë çasje të barabartë në informata; të gjithë do të kenë periudhë të njejtë kohore; të gjithë do të kenë kontakte të barabarta me Qeverinë dhe me këshilltarët si dhe të gjithë do të kenë kushte dhe kritere të barabarta/identike në bazë të cilave mund t’i përgatisin ofertat e tyre.

• Të gjithë ofertuesit do të mund të konkurrojnë sipas kritereve identike dhe sipas marrëveshjes identike të paracaktuar për shitblerje.

• Ne jemi të përkushtuar ta kryejmë këtë proces në transparencë të plotë.

• Formula përfundimtare për ta përcaktuar fituesin do të jetë saktësisht kuantitative dhe objektive, e bazuar në çmim dhe në investime dhe nuk do të ketë asnjë hapësirë për subjektivizëm, interpretime ose dykuptimësi .

Sfida dhe mandati

• Sfida e Kosovës është reale!

• Qeveria, fuqimisht do ta shfrytëzoj këtë rast për të:
  o Siguruar furnizim me energji elektrike
  o Mirëmbajtur tarifa të arsyeshme për konsumatorët
  o Ndërprerë subvencionet e papërballueshme qeveritare
  o Arritur përmbushjen dhe furnizimin me rrymë për tërë vendin,
  o Adresuar çështjet serioze ambientale dhe
  o Përmirësuar në përgjithësi jetën e të gjithë qytetarëve të Kosovës përmes një rrjeti të distribuimit dhe furnizimit për vendin tonë. I cili funksionon si duhet.

• Mandati është, që të kemi një furnizim të qëndrueshëm energjik, në një mjedis te mirëfilltë ekonomik si dhe në një bazë të qëndrueshme komerciale.